Як стваралася кніга — “Музычная Вандроўка з Алесем i Паўлiнкай. Першыя крокi”

Гэтая кніга стала першым дзіцячым дапаможнікам па фартэпіяна на беларускай мове, які аб’ядноўвае музыку, ілюстрацыі і інтэрактыўныя элементы.
Мы працавалі над ёй 1,5 года, імкнучыся стварыць яркі, займальны і зразумелы матэрыял для дзяцей i бацькоў, і сапраўдны дапаможнiк для  настаўнiкаў.

Чым гэтая кніга асаблівая?

📌 Аўтарская методыка на беларускай мове — выдатныя музыкi i выкладчыцы фартэпiяна Алена Кур'яновіч і Настасся Бура адаптавалі вядомыя беларускія творы, напісалі ўласныя п’есы на вершы беларускіх паэтаў і распрацавалі займальныя практыкаванні для вывучэння музыкі.
📌 Каляровыя ілюстрацыі — я стварыла выявы да музычных твораў, практыкаванняў і рэбусаў, каб зрабіць навучанне цікавым.
📌 Інтуітыўны дызайн і вёрстка — Аляксей Казнадзей зрабіў кнігу гарманічнай і зручнай для ўспрымання.
📌 Жывая музыка на старонках — QR-коды вядуць да аўдыатрэкаў, практыкаванняў і музычных гульняў.

Як ствараліся ілюстрацыі?

Я не толькі ілюстратар, але і прафесійны музыкант, таму для мяне было важна перадаць у малюнках рытм, настрой і характар музычных твораў.
Я люблю працаваць з музыкамі, і гэты праект даў мне магчымасць аб’яднаць музычны досвед і мастацтва, каб зрабіць кнігу максімальна гарманічнай.

Я ілюстравала музычныя творы, практыкаванні, рэбусы, імкнучыся зрабіць іх зразумелымі, выразнымі і натхняльнымі.
Было важна знайсці баланс паміж яркасцю вобразаў і інфармацыйнай дакладнасцю, каб дзеці маглі лёгка засвойваць матэрыял і не гублялі цікавасць.

Праца над кнігай — гэта…

🎶 Месяцы пошуку мастацкага стылю і аптымальнага падыходу.
🎨 Эскізаванне, карэкціроўка і баланс паміж ілюстрацыямі і навучальным зместам.
📖 Шчыльнае супрацоўніцтва з натхняльнымi музыкамі і настаунiкамi— адзін з самых каштоўных аспектаў праекта.
💡 Стварэнне кнігі, якая робіць знаёмства з музыкай займальным і даступным.

Гэты праект стаў для мяне вялікім выклікам, але і неверагодным досведам. Стварыць першую дзіцячую музычную кнігу на беларускай мове — значыць зрабіць унёсак у развіццё культуры і музычнай адукацыі.
Гэта была вялікая радасць і гонар!